"Trátase dun acto vengativo de despedimento masivo totalmente arbitrario, que non ten máis xustificación que a falta de decencia e a prepotencia política", denuncia o STEG.
Preto de 500 profesores do progrma Celga de cursos en lingua galega
serán despedidos. Un despido que chega, curiosamente, logo de que os servizos de Inspección do Traballo sancionasen á Consellería de Educación.
Así o denuncia o Sindicato de Traballadores do Ensino de Galicia (STEG)
que califica esta medida como un acto "vengativo" por parte da Xunta.
Nun comunicado, esta entidade critica que estes profesores foron
despedidos logo de que a Consellería de Eudación recibira unha sanción de Inspección de Traballo
da Coruña e de Ourense por "non recoñecer a relación contractual entre
a Administración e as persoas que impartían os cursos de galego Celga e
non inscribilas na Seguridade Social".
"En resposta a esa lóxica e xusta resolución, a Secretaría xeral de Política Lingüística da Xunta decidiu prescindir da totalidade das persoas que viñan prestando os seus servizos como docentes dos cursos Celga", destaca o sindicato.
"Despedimento masivo arbitrario"
Por iso, expresa a súa "rotunda condena" á postura da Xunta, por considerar que "constitúe unha descarada negativa a acatar e cumprir a lexislación laboral
e a respectar os dereitos laborais que as resolucións de Inspección de
Traballo". "Trátase dun acto vengativo de despedimento masivo totalmente
arbitrario, que non ten máis xustificación que a falta de decencia e a
prepotencia política", engade.
A partir de agora, a Xunta decidiu "ofrecer eses cursos ao profesorado de lingua galega que exerce nos centros educativos de secundaria, coa consideración de 'horas extras' e unha remuneración económica de ao redor de 2.500 euros".
Ningún comentario:
Publicar un comentario