A Aula de Formación Informática
(AFI) da Universidade de Coruña (UDC) ten entre mans unha
interesante serie de actividades formativas para os días vindeiros,
boa parte todas elas co nexo común de versaren sobre tecnoloxías
libres e sen cancelas. Os cursos de abril e maio teñen ademais
un nivel de iniciación ou mesmo perfeccionamento nas tecnoloxías
que lles serven de fío temático e alicerce. Inclúense actividades
sobre Python, sobre prácticas na elaboración de documentos con
exemplos prácticos en LibreOffice ou sobre edición de vídeo con
ferramentas libres como Shotcut.
Estas achegas formativas, a maiores de presentar un uso práctico das
ferramentas, axudan a introducir aos participantes nos modelos e
prácticas de traballo colaborativo moi vinculados á programación
aberta. Ademais, sinala a AFI, contribúen a mellorar a compresión e
uso de correcto dos distintos tipos de licenzas existentes “e
amplían a visión de mercado dos alumnos amosando un maior abano de
solucións para o desenvolvemento de traballos técnicos”.
O programa está constituído polas seguintes actividades, todas elas
achegadas en documento PDF:
Introdución
á edición de vídeo con Final Cut Pro X
Data: do 3 ao 12 de maio. Horario: de 9:00 a 11:30
Edición
de documentos profesional e colaborativa na nube con LaTeX
Data: do 3 ao 12 de maio. Horario: de 16:00 a 18:30
Programación
orientada a obxectos, ORM e interfaces gráficas con Python
Data: do 5 ao 14 de abril. Horario: de 09:00 a 11:30
Escultura
dixital con Mudbox
Data: do 5 ao 14 de abril. Horario: de 11:40 a 14:10
Trucos
e boas prácticas na elaboración de documentos e follas de cálculo
(MS Office, LibreOffice...)
Data: do 5 ao 14 de abril. Horario: de 16:00 a 18:30
Edición
de vídeo con ferramentas de software libre: Shotcut
Data: do 5 ao 14 de abril. Horario: de 18:40 a 21:10
Introdución
ao desenvolvemento de aplicacións móbiles con Android
Data: do 19 ao 28 de abril. Horario: de 11:40 a 14:10
Bases
de Datos. Microsoft Access
Data: do 19 ao 28 de abril. Horario: de 16:00 a 18:30
Ningún comentario:
Publicar un comentario