Terá lugar o xoves 14 de abril ás 12h na Praza de Galiza da Coruña en rexeitamento á sentenza ditada en Lugo contra o uso do galego na administración local.
A plataforma cidadá Queremos Galego, composta por máis
de 600 colectivos sociais de todo tipo, anunciou hoxe novas
mobilizacións contra a sentenza do TSXG sobre a ordenanza de uso do
galego en Lugo, que "eliminou algúns aspectos fundamentais como o
dereito da cidadanía a recibir atención en galego por parte de servizos
contratados pola administración a empresas privadas".
Tras a convocatoria que xa tivo lugar diante do concello de Lugo o
pasado 14 de marzo en apoio á ordenanza aprobada por unanimidade no
pleno, Queremos Galego convoca parao14 de abril ás 12h, unha
concentración diante da sede do TSXG na Praza de Galiza da Coruña contra
unha sentenza que, segundo indicou o portavoz da plataforma cidadá, Marcos Maceira,
“ataca o uso do galego na administración municipal e nos servizos
básicos privatizados” e “é un intento de provocar por vía xudicial o
retroceso en dereitos lingüísticos que a sociedade galega está a impedir
na vía política”.
O portavoz de Queremos Galego lembrou que a sentenza do TSXG" elimina o
dereito a utilizarmos o noso idioma con absoluta normalidade e a sermos
atendidos e informados en galego en servizos privatizados".
A plataforma asegura que Esta convocatoria diante da sede do TSXG de
rexeitamento á sentenza contra a ordenanza de uso do galego en Lugo,
estará acompañada dunha campaña que terá como acto central a
manifestación nacional convocada para o 17 de maio en Santiago
Ningún comentario:
Publicar un comentario