![JPEG - 119.7 KB](http://codigocero.com/local/cache-vignettes/L420xH289/coalas_europapress-c3fa0.jpg)
A información comunicada a medios de comunicación incluía referencias a declaracións dunha enxeñeira agrónoma, dunha asesora da Mancomunidade e de veciños, instando a visitar unha páxina de Facebook na que as devanditas declaracións estaban recollidas en vídeo e incluso había algúns documentos gráficos para sustentar a comunicación realizada, conseguindo así viralizar o ruxerruxe que chegou a publicarse por parte da axencia Europa Press e, en consecuencia, en poucas horas apareceu en numerosos medios de comunicación de todo o Estado (El Correo Gallego, El Diario, El Economista, La Vanguardia...) que non contrastaron tan dubidosa información que moitos aceptaban co humor propio da data de hoxe (Primeiro de Abril) e finalmente confirmouse o que moitos sospeitaban: tratábase dunha simpática campaña viral que buscaba concienciar sobre a problemática do monocultivo de eucalipto en Galicia.
![](http://codigocero.com/local/cache-vignettes/L420xH332/coalas_faceb4e43-78d6e.jpg)
A acción que fixo crer a existencia de coalas en Galicia foi obra da produtora creativa Illa Bufarda coa colaboración de moitas persoas e numerosos cebos en redes sociais que fixo posible a súa difusión, coa idea de que chegase ao seu apoxeo o Primeiro de Abril, data na que desmenten a información xa que “neste días van os burros, as burras e coalas onde non deben ir”.
Aproveitan a ocasión para agradecer a todos os cidadáns que loitan por un monte mellor e non se converten en coalas.
Esta mañá distribuíuse unha nota de prensa na que a suposta Mancomunidade da Farbuda daba conta de albiscamentos dun coala por parte de veciños da Comarca de Ordes, dos que tiña notificado ao Seprona ante a preocupación veciñal que procurou localizar ao pequeno marsupial propio dos bosques de eucaliptos australianos.
Ningún comentario:
Publicar un comentario