Jornalista galego premiado por um ensaio em asturiano sobre línguas minoritárias

É galego e asturiano. Damiám Barreiro Maceiras, jornalista da Estrada, de mae asturiana e pai galego, acaba de ganhar o Prémio Máximo Fuertes Azevedo de ensaio pola obra "Caleya Sésamu: el papel de la televisión na tresmisión interxeneracional da llingua", que apresentou sob o pseudónimo Son Goku.

E nom é único que ganha. Em 2013 fíxose com o Prémio de Ensaio Fierro Botas, convocado pola CM de Xixón, com a obra "L'espeyu onde miranos: televisiones de proximidá n'Europa Occidental y procesos de recuperación identitaria".

No caso do premio Máximo Fuertes Azevedo, o júri destacou "a solidez documental e a boa estruturaçom de umha obra que analisa as possibilidades da animaçom infantil como instrumento favorecedor das línguas minoritárias, avançando propostas concretas no ámbito da normalizaçom social da língua asturiana".

A este prémio, que convoca a Conselharia de Educaçom, Cultura e Desporto do Principado de Astúrias e que está dotado com 3.000 euros, podiam apresentar-se obras de tema, género e estrutura livre que reunissem as características do género ensaístico entendido na sua amplitude.

Damiám Barreiro trabalhou no desaparecido semanário Les Noticies e colaborou com outros meios de comunicaçom asturianos, como a Televisom Local de Xixón, o jornal Diagonal Asturies ou o diário La Nueva España, na secçom Escolinos.