O conselleiro de Educación destaca a experiencia altamente positiva da inmersión na lingua de Shakesperare.
Cursos de inglés en Galicia. Unha total inmersión
lingüística para que os rapaces galegos acaben dominando a lingua de
Shakespeare. Esa é a oferta educativa que, ano tras ano, incrementa a
Consellería de Educación. O seu titular, Xesús Vázquez, suliñou que estes programas de inmersión lingüística están a servir para mellorar a competencia dos alumnos galegos en lingua inglesa.
“É unha experiencia altamente positiva", suliñou Vázquez aos medios de
comunicación no transcurso dunha visita ao Centro de Excelencia para a
Formación en Inglés na terra de Feijóo, Os Peares, precisamente para
comprobar como están a aproveitar os alumnos a estancia nesas
instalacións para mellorar a súa competencia no uso da lingua inglesa.
“Trátase dunha inmersión total, cento por cento en inglés,
porque os alumnos desde que se levantan ata que se deitan, están
acompañados en todo momento por auxiliares de conversación de fala
inglesa, ademais de realizar actividades extraescolares e deportivas”,
indicou.
Por iso, o conselleiro presumiu do esforzo" que está a realizar a Xunta
de Galicia para que os alumnos poidan dispor destas "xornadas de
inmersión completa nesa lingua". Ademais, lembrou que, grazas a esta
iniciativa, están a realizarse "dentro de nosa propia Comunidade", cando
"hai anos desenvolvíanse fóra de Galicia", o que lle posibilita á Xunta
"traballar con empresas de aquí".
Actualmente hai 77 alumnos de cinco centros" participando nas estancias
de outono, que teñen unha duración dunha semana e que, en principio,
van destinadas a un total de 400 alumnos de sexto de primaria e o catro
cursos da ESO. Nos meses de verán, foron 600 as prazas convocadas pola
Consellería de Educación e, nese caso, os cursos tiñan unha duración de
dúas semanas.
Ningún comentario:
Publicar un comentario