luns, 15 de abril de 2013

A Liga Estudantil marca rumo e colle folgos para navegar a prol do ensino público, galego e democrático

A organización realizou en Vigo a súa II Asemblea Nacional baixo o lema 'Estudar, loitar, poder popular'. A debate, a autoorganización do estudantado, a reivindicación e defensa do ensino público e galego nun marco de plena ofensiva neoliberal e centralizadora, ou como avanzar na unidade do movemento estudantil nacionalista.
Vigo foi a praza escollida pola Liga Estudantil Galega para realizar a súa II Asemblea Nacional, tomando así a cidade olívica o relevo de Compostela (asemblea nacional constituínte, 2011) e Lugo (I AN, 2012). Baixo o lema 'Estudar, loitar, poder popular', a militancia da organización debateu e analizou a tese de organización e a tese política.
Nos textos púlase pola revitalización do movemento estudantil e a aposta pola autoorganziación do estudantado galego,mesmo abordando a división no movemento estudantil nacionalista, división da que din que “é evidente que é unha pexa”.
Na tese, a Liga avoga por “batermos xuntos, aínda que camiñemos por separado, é un punto de inicio” para ir avanzando de cara a unha posíbel unidade do movemento nacionalista no estudantado. Iso si, a unidade non virá a través de “chamadas á unidade (...) que sexan proclamas baleiras”.
A Liga, nos extos a debate, afirma que “a nosa organización comprométese a traballar a prol da construción dunha única organización nacional do estudantado galego”.
Facer fronte, sen tregua, a recortes, tesoiradas e Lomces
A Liga Estudantil Galega entende que se está a dar un auxe nas mobilizacións por mor dos ataques e agresións que está a sufrir o ensino público e que se plasman en recortes, tesoiradas e, moi especialmente, na Lomce. Para unha organización que, como a Liga, avoga por “un ensino público, galego, democrático, de calidade e non patriarcal”, prantar cara e erger unha alternativa antagonista ao proxecto do neoliberalismo na educación é unha prioridade.
Nos textos a debate tamén se inclúe a reclamación da sobernía como ferramenta contra a recentralización do Estado e partindo da concepción de Galiza como unha nación
Memoria contra o fascismo
Na asembnlea tamén houbo unha lembranza para Guillem Agulló, mozo independentista catalán asasinado a navalladas hai 20 anos por fascistas españois e que se converteu en todo un símbolo do movemento antifascista no Estado español.

Ningún comentario:

Publicar un comentario