xoves, 20 de xuño de 2013

O BNG risca de ´ impresentable ´ á Xunta polo seu silencio sobre o colexio de Merza

"O que está a facer a Xunta parécenos de impresentables", di o voceiro do BNG de Vila de Cruces, Xoán Blanco, ante a falta de resposta da Consellería de Educación sobre o posible peche do colexio de Merza. Considera "unha falta de respecto" que desoia a petición urxente de reunión solicitada por toda a corporación local. O nacionalista cre que "quere dar a calada por resposta para chegar a unha política de feitos consumados". Esixe que a Xunta convoque a reunión prometida para coñecer os argumentos a favor do mantemento do servizo. Se non o en breve, pedirá o cesamento "da persoa responsable".
Pola súa banda, a representante dos pais no consello escolar, Belén Casal, mantén a esperanza. "É o último que se perde; seguiremos loitando", di.

Ningún comentario:

Publicar un comentario