Aínda que os futuros alumnos aínda teñen dúas oportunidades para inscribirse nos institutos das bisbarras, os admitidos sitúanse en torno aos 180.
A crise e a falta de oportunidades laborais e o paro
fixo que nos últimos anos moitos profesionais volvan ás aulas para
conseguir unha titulación da que en moitos casos carecían. Para outros
os ciclos formativos son unha opción para buscar unha saída laboral.
Todo iso axudou a que nos últimos cursos os ciclos formativos aumenten o
seu tirón entre os potenciais estudantes.
Os
institutos de Deza e Tabeirós-Terra de Montes ofertan un total de
dezasete, cinco deles superiores. O pasado día 2 finalizou o prazo de
presentación de solicitudes e estes días a Xunta acaba de facer pública a
lista de admitidos que suman en torno a 180 nos centros da zona, unha
cifra na que se inclúen algúns repetidores en distintos ciclos. Entre
eles figuran 42 solicitudes admitidas para os ciclos superiores.
Un número nada desdeñable tendo en conta que
quedan aínda dúas oportunidades para inscribirse nos ciclos que se
imparten o curso que vén. Ata o 11 de xullo, ás 13.00, está aberto o
prazo de presentación de reclamacións ao listado provisional de
solicitudes. A lista definitiva non se publicará ata o día 17.
Establécese tamén en período extraordinario de
admisión no mes de setembro coa presentación de peticións do 1 ao 12 de
setembro, ás 13.00 e outro de solicitude de matrícula simultánea do 24
ao 26 de setembro.
Na zona só impártense ciclos no IES Antón Losada
Diéguez da Estrada, en Tabeirós-Terra de Montes, que aglutina a oferta
desta zona. En Deza, vos alumnos poden elixir entre a oferta dos
institutos Laxeiros e Ramón María Aller de Lalín, o Marco do Camballón
de Vila de Cruces, que só conta cun ciclo, e o Pintor Colmeiro de
Silleda.
Ningún comentario:
Publicar un comentario