Filgueira Valverde e Jesús Vasques, ícones da liquidaçom planificada do galego

A recente eleiçom de Filgueira Valverde nom podia ser mais reveladora da ideologia lingüística do atual poder político e das suas instituiçons na Galiza. 

A Real Academia Galega, fiel a quem lhe paga e cúmplice ativa, desde o início da Autonomia, da estratégia da direita espanhola em matéria lingüística, elegeu um dos principais ideólogos do bilingüismo isolacionista aplicado polos sucessivos governos autonómicos desde 1981 e até a atualidade.

 

É certo que o salto qualitativo para a espanholizaçom em termos demográficos se tinha produzido já na década de 70, como conseqüência de variáveis socioeconómicas que tornárom a Galiza um país cada vez mais urbanizado num processo hegemonizado polo espanhol como língua imposta polas elites. 

 

Porém, foi precisamente a aposta bilingüista da Alianza Popular de Filgueira Valverde desde 1980, contando com a cumplicidade do PSOE, que favoreceu e acelerou essas tendências. Nom foi o único. Toda umha “casta” de inteletuais autonómicos contribuiu para fazer do galego um traço subordinado e inofensivo no aparelho institucional autonómico. 

 

A RAG e a sua composiçom ao longo de todos estes anos sintetiza bem esse colaboracionismo e a renúncia a políticas reais de galeguizaçom efetiva da sociedade galega, durante o último quartel do século XX e no início do século XXI.

 

A “filosofia” apadrinhada polo falangista Filgueira Valverde no início da etapa autonómica serviu para aparentar umha galeguizaçom superficial e redundante em relaçom ao sempre imprescindível e preferente espanhol. 

 

A separaçom forçada em relaçom ao português, proposta polo próprio Filgueira e imposta através do “Decreto Filgueira” de AP em 1982, ajudou a converter o galego numha língua minorizada e de vocaçom minoritária.

 

Sem afám dramático, hoje podemos já afirmar que o objetivo estratégico do espanholismo (de direita e “de esquerda”) está próximo do seu êxito total. O galego passou, na Galiza, de ser língua “maioritária minorizada” a ser língua “minoritária minorizada”, graças à filosofia bilingüista-isolacionista e à falta de resposta suficiente por parte dos setores sociais normalizadores. 

 

Tanto é assim, que o conselheiro da Educaçom, Jesús Vasques, é capaz de comparecer no Parlamento para apresentar como um êxito do seu governo os 10,4% de presença do galego na educaçom infantil galega.

 

Um país minimamente consciente e ativo na sua própria afirmaçom como tal nom admitiria nem homenagens a franquistas, nem conselheiros a gabar-se do caráter marginal em que o seu próprio governo mantém a língua. 

 

Acho conveniente ligar ambos acontecimentos: a eleiçom do franquista Filgueira pola RAG e a provocaçom de Jesús Vasques presumindo de 10% de educaçom em galego para as nossas crianças. Um e outro som indicativos do momento político que a nossa naçom atravessa.

 

O desprezo pola Galiza que uns e outros expressam obriga-nos a umha resposta à altura da agressom, mas as nosas forças sociais e políticas som mais umha expressom da extrema fraqueza da afirmaçom nacional galega.

 

Só umha açom coletiva e massiva em defesa do idioma, que inclua um novo estatuto legal preferencial e o incorpore ao ámbito internacional luso-brasileiro, poderá evitar a definitiva reduçom do galego a resto arqueológico sem futuro.

 

Para isso, é imprescindível umha reflexom coletiva que conduza toda a esquerda nacional a abrir umha nova etapa de unidade, livre de hegemonismos e superadora dos erros do passado. Agora que já nom é só a minoritária esquerda independentista a que reclama um Estado galego, é o momento de favorecer essa unidade. Está em jogo a sobrevivência da Galiza como povo diferenciado, a qual só será garantida pola conquista da plena soberania: pola independência. 

 

Será precisamente isso o que reclamaremos as e os independentistas de esquerda na nossa manifestaçom deste 25 de julho.