Aínda que en xuño a taxa de aprobados en Galicia se
sitúa sempre en torno ao 90%, no cómputo global das dúas convocatorias o
dato baixa un pouco. Segundo os datos feitos públicos polo Ministerio
de Educación, no 2013 o 82,6% dos alumnos presentados na comunidade
superaron con éxito as probas.
En
comparación con outras rexións, Galicia sitúase na cola, en concreto,
no penúltimo lugar, con soa Asturias por detrás (75,1%). Canarias foi a
comunidade con maior taxa de aprobados o ano pasado cun 94,27%, seguida
da comunidade valenciana (91,6%), Cantabria (91,3%), La Rioja (91,2%) e
Aragón (91,1%).
Todas as comunidades alcanzaron cifras superiores
ao 70%. Despois das cinco comunidades que se situaron nos postos máis
altos do ránking, encontráronse Navarra (89,5), Castela e León (88,5),
Extremadura (87,9), Castela-A Mancha (87,9), Cataluña (87,3), Madrid
(86,9), Andalucía (86,7), Baleares (86,6) e Murcia (83).
Na convocatoria deste ano, e aínda que hai
comunidades que aínda non contan cos datos definitivos, Galicia séguese
situando co seu 90% de aprobados por debaixo da media. País Vasco, La
Rioja e comunidade valenciana encóntranse entre as rexións con
porcentaxes de aprobados máis elevadas, con 97,9, 97,8 e 97,7,
respectivamente.
En Galicia realizaron a selectividade un total de 10.400 estudantes galegos.
Ningún comentario:
Publicar un comentario