Santiago Mendes enfrenta 4 anos de prisom por contestar na rua a ‘Galicia Bilingüe’ em 2009

A repressom judicial contra as pessoas que em 8 de fevereiro de 2009 contestárom nas ruas umha mobilizaçom da associaçom ultra Galicia Bilingüe apoiada por organizaçons de extrema direita, continua.
Amanhá, justo 48 horas antes da saída dumha mobilizaçom nacional que reivindicará a hegemonia social da única Língua do País, um outro militante independentista galego se senta no banco dos acusados para enfrentar umha pena de 4 anos de prisom.O agora processado é o vizinho do Condado Santiago Mendes, que foi umha das 12 pessoas assinaladas no seu dia pola Polícia espanhola e processadas em relaçom com os fatos do 8F. Lembramos que este processo derivou em várias condenas de prisom e, embora está recorrido nestes momentos, os advogados nos desbotam a possibilidade de que se produza algum encarceramento de independentistas ligados àquela resposta nacional de 8F.

Concentraçom de apoio
Para amanhá está convocada umha concentraçom às 11:30 h. AM de apoio a Santiago Mendes perante os Julgados das Fontinhas em Compostela. O Organismo Popular Anti-repressivo CEIVAR apela mais umha vez à solidariedade com as pessoas que respondérom na rua em 2009 a minoria social que neste país serve de ariete contra qualquer política de promoçom da língua nacional e trabalha em favor da substituiçom definitiva do nosso idioma polo espanhol.