O PP quere forzar á CNMC a non obrigar a Telefónica a compartir a súa rede de fibra óptica

A filtración dun documento interno de Telefónica dando a entender que a compañía reduciría o seu investimento na súa infraestrutura de fibra óptica por mor das esixencias da Comisión Nacional dos Mercados e a Competencia (CNMC) para compartir estas novas redes está a demostrar sen unha xogada interesada, para xustificar as presións para forzar á Comisión a mudar o seu parecer, o que está a facerse directamente a través do Grupo Parlamentario Popular, que presentou unha iniciativa no Senado para esixir á CNMC que dea marcha atrás na súa proposta que considera “unha desproporcionada intervención regulatoria” que poría en perigo investimentos e postos de traballo.
O PP considera que as medidas que quere adoptar a CNMC afecta non só aos 30.000 empregados de Telefónica, senón tamén “aos 10.000 postos de traballo indirecto que o despregamento de fibra óptica estaba a xerar a través das empresas subministradas e subcontratistas de obra civil”, á vez que tamén destaca que ao levar a Telefónica a reducir os seus investimentos en España tamén estaría a frear a mellora da banda larga no noso territorio, provocando “unha España a dúas velocidades”. Consideran así dende o Grupo Parlamentario Popular que a postura da CNMC “carece de perspectiva económica” e afástase “de outros obxectivos que persegue a Lei Xeral de Telecomunicacións”.
A moción popular sorprendeu aos rivais de Telefónica, que consideran que se trata dunha inxerencia cara a unha lexislación que está na liña do resto de Europa e que pretende que non se reproduza a situación de dominancia nas novas redes.