A Axencia para a Modernización Tecnolóxica de Galicia (Amtega) e o Colexio Profesional de Enxeñaría Informática de Galicia (CPEIG) celebrarán este venres un faladoiro dixital sobre creatividade nos contidos.
Tras a benvida institucional a cargo do presidente do CPEIG, Fernando Suárez, na xornada intervirá Juan Corro, director académico de U-Tad, centro universitario referente na formación de futuros líderes no mundo dixital.
A continuación dun breve descanso, Manuel Meijide, director de ILUX Visual Technologies e experto en deseño e desenvolvemento de proxectos no ámbito das 'smart cities', abordará a charla 'Mundos dixitais e novos medios'. Como último relator, o fundador de Future Lighthouse, Roberto Romero, falará de realidade virtual.
Para finalizar, o faladoiro dixital concluirá cunha mesa redonda aberta a preguntas dos asistentes.
Ningún comentario:
Publicar un comentario