lermos.gal é unha revista en liña adicada ao mundo das letras en galego.
Fresca, sinxela e sen vello tópicos. Así se presenta lermos.gal, un novo portal cultural en liña adicado ao mundo das letras galegas e dirixido por Alex Bayorti, Xosé Duncan e Martinho Terrafria.“A nosa intención é informar e divulgar de xeito programado e ordenado sobre os acontecementos literarios máis sobranceiros, as últimas novidades editoriais e todos aqueles temas que sexan susceptíbeis de se converter en noticia”, apuntan os seus impulsores nun comunicado.
Lermos.gal conta cunha sección de entrevistas a profesionais do mundo do libro e a lectura, un apartado de recursos destinado a divulgar determinados coñecementos relacionados co ámbito literario, e unha axenda de eventos, na que se irán actualizando datas de presentacións, premios literarios, feiras etc.
Este novo portal nace tamén cunha “clara vocación de cara ás redes sociais”, segundo os seus coordinadores. “Como lermos.gal é un proxecto colaborativo e aberto, todas as achegas a ampliar o contido e a mellorar calquera aspecto do site serán benvidas”, apuntan. Os interesados en colaborar con este novo proxecto poden facelo no correo electrónico lermos.gal@gmail.com
Ningún comentario:
Publicar un comentario