Educación convoca 1.112 prazas de profesores e inspectores

Do total, 500 corresponden a mestres, 478 a docentes de secundaria e 122 aos de Formación Profesional.

A Consellería de Educación concretou este martes aos sindicatos a convocatoria de prazas para este ano, que ascende ata 1.112, segundo destacou o director xeral de Centros e Recursos Humanos, José Manuel Pinal.

Do total, 500 correspóndense con prazas de mestres -ata 186 delas, de educación infantil- e 478 con profesores de ensino secundario - Matemáticas (75), Castelán e Literatura (70), Xeografía e Historia (55), Formación e Orientación Laboral (50), Bioloxía e Inglés (45), entre outros. Para Formación Profesional resérvanse 122 prazas e 12 para inspectores.

Ás portas da Egap, onde se celebra a mesa docente, sindicalistas concentráronse en contra da orde que regula as licenzas e vacacións dos docentes. Os seus representantes na negociación, nun receso, avanzaron que se levantarán da mesa de non retirar a Consellería os puntos relativos ao permiso por enfermidade e as vacacións.