Na zona están programados hoxe varias actividades
lúdicas e culturales polo Día das Letras Galegas. En Silleda haberá, ás
17.00 horas, contos narrados por Sole Felloza baixo o título Vento e chuvia: os antigos deuses galaicos,
para nenos de entre dez e doce anos. Os premios dos concursos de
microcurtas e microrrelatos entréganse ás 20.00 horas no salón de
plenos.
No colexio María Inmaculada haberá hoxe
exposición de fotos antigas, fallo de concursos e un festival de 11.00 a
13.00 horas. Como novidade actívase a campaña da biblioteca solidaria,
onde quen leve un quilo de algún alimento poderá levarse un libro.
A biblioteca Varela Jácome de Lalín acolle hoxe a
visita de nenos da gardería do polígono, así como ás 13.00 horas a
entrega de premios do concurso de marcapáxinas. Haberá todo o día
lectura en voz alta da obra de Xosé María Díaz Castro. Na residencia de
As Dores, ás 17.00 horas, hai un concerto do Coro da Alegría cunha
homenaxe a Díaz Castro e lectura do seus poemas. No IES Laxeiro,
Fantoches Baj representa ás 13.00 horas «O asombro de Díaz Castro».
A
Asociación Veciñal de Moneixas prepara para mañá, de 11.00 a 13.00
horas, un obradoiro para nenos. Tamén haberá un concurso de poesía
inventada en galego, un mural, marcapáxinas e xogos ao aire libre e
Queremos Galego Deza e A Estrada pediron sumarse ás manifestacións
convocadas polo colectivo mañá nas sete cidades galegas e en Foz.
Comezarán a partires das 17.00 horas.
Ningún comentario:
Publicar un comentario