Feijóo di que cumpre co "bilingüismo cordial" do seu pobo e Jorquera suliña que el celebra todos os días "o Día das Letras. Os populares rexeitan unha iniciativa para impulsar o galego.
Resta poco máis duna semana para a celebración do Día das Letras Galegas
e o debate lingüístico volveu facerse un oco na Cámara gallega. E é que
Xunta e oposición non se poñen dacordo sobre o modelo lingüístico que
precisa o país.
Durante a sesión de control, o portavoz do BNG no Parlamento galego, Francisco Jorquera,
lembrou que é o último pleno antes da celebración do Día dás Letras
Galegas e emprazou ao titular da Xunta a cumprir co seu "deber
estatutario" e a impulsar o uso do galego en todos os ámbitos.
Un consello que lonxe agradar ao presidente da Xunta, provocou a súa
reacción. "Cumpro co bilingüismo cordial do meu pobo, cumpro coas
sentenzas do Tribunal Constitucional e do Tribunal Superior de Xustiza de Galicia", sinalou ao aludir ao comprimos do seu goberno co galego.
De feito, criticou a Jorquera por non terlle feito a pregunta sobre
materia lingüística. O voceiro parlamentario do BNG preguntaba polas causas da crise demográfica en Galicia e as posibles solucións. Ao inicio da súa intervención lembrou o aforismo de Castelao "se aínda somos galegos é por obra e graza do idioma" e sinalou que "se o galego morre, Galicia morre".
"Queixome que a pregunta non sexa sobre o uso do idioma propio", respostoulle Núñez Feijóo, que reprochou a Jorquera que "parece que se acorde agora de que se vai a celebrar o Día dás Letras"
Unha crítica que non pasou por alto Jorquera que na súa quenda díxolle
que "a diferenza" entre eles dous é que el celebra "todos os días" o Día
dás Letras Galegas.
O PPdeG rexeita unha iniciativa lingüística
Tamén este mércores, o Parlamento rexeitou cos votos do PP unha
iniciativa do BNG sobre a lingua galega, apoiada polos grupos da
oposición. A deputada do BNG Ana Pontón denunciou a
situación de "discriminación" que padece a lingua galega e defendeu que a
posición do seu grupo é simplemente reclamar que se cumpra o Plan de
Normalización Lingüística aprobado por unanimidade nos anos 80 no
Parlamento e tamén o Estatuto.
Por iso, cargou contra as políticas do PP que "atacan" a lingua galega
e asegurou que a este grupo nótaselle "a ira e o enfado" por ter que
falar "dun problema que preocupa a milleiros de persoas".
Pola súa banda, o deputado do PP galego Agustín Baamonde rexeitou
a "visión negativa" da deputada do BNG baseada en "denuncias, supostos
incumprimentos e con ribetes catastrofistas". Dixo que o seu grupo non
pode aceptar a iniciativa do BNG porque non estaba baseada no ánimo de
consenso, senón "na confrontación".
Ningún comentario:
Publicar un comentario