Sarria acolle dende hoxe xoves e ata o vindeiro sábado 21 de novembro o congreso de Ensinantes de Ciencia de Galicia (ENCIGA), que reunirá a centos de profesores no instituto sarrián Xograr Afonso Gómez. Paralelamente
ás xornadas, haberá tres exposicións sobre biodiversidade na zona,
instrumentos de medida tradicional na comarca, maquetas da vila actual, a
importancia da auga e unha centrada en distintos científicos actuais e
do futuro.
As conferencias centrais estarán abertas a todo o público e
celebraranse no salón de actos do centro. A primeira será hoxe a partir
das 20.15 horas e vai impartila o catedrático de Análise Matemática da
USC Alberto Cabada baixo o título: “Análise non lineal”. A segunda será o venres ás 19 horas. A profesora lucense Mercedes Sampayo
falará do recoñecido matemático de Samos Vicente Vázquez Queipo. A
última será o sábado ás 13 horas e será a cargo da profesora e
investigadora da Universidade de Londres e natural do Incio, Olalla Castro, que falará da súa experiencia no estranxeiro.
Máis información no seguinte enlace:
http://www.enciga.org/?q=Ultimas_novas_XXVIII_congreso
Ningún comentario:
Publicar un comentario